Un cuntadén l'é drì ch'al dà da magnèr ai sù ninén, quànd al vàdd, da luntàn, arivèr una bèla màchina nàigra. Ai sèlta zà dù sgnàuri elegànt e ón a gli d'’mànda:
"Cùssa dèv da magnèr ai vùster ninén?".
"Chi mé? Mé ai dàgh d'la mérda!"
"Ah, sé? Bène: nuètr'à sàn d'la "Protezione Animali" e av fàn un miliàn ed mùlta!".
Dàpp suqànt mìs l'éra sàmper drì e dèr da magnèr ai ninén e al vàdd arivèr un'ètra bèla màchina. Ai sèlta zà dù sgnàuri e ón a gli d'mànda:
"Cùssa dèv da magnèr ai vùster ninén?".
"Ah, ai dàg del taiadèl, di turtlén, del lasagnàtt…"
"Ah, sé? Bène: nuètr'à sàn d'la F.A.O. e av fàn dù milión ed mùlta!".
Suquànt mìs dàpp, l'é sàmper là atàis al purzìl e al vàdd arivèr un'ètra bèla màchina. Ai sèlta zà ón ch'al gli d'mànda:
"Cùssa dèv da magnér ai vùster ninén?".
"Mé? Mé ai dàgh méll frànch tótt i dé e làur ch'is aràngen a cumprèr quàll ch'i vólen!".
Nessun commento:
Posta un commento