AL CAGNÉN (n. 65)

Un sgnàuri l'é drì ch'al bàvv un capuzén con'na briòss int un bàr, quànd al cagnén d'una sgnàura, ón ed chi cagnén tótt pén ed pàil, ch'ans capéss brìsa al davànti dal de drì, ai dà un musgót int una gàmba. Alàura al sgnàuri al spèza un p'zulén ed briòss e la la slónga vérs al cagnén.

La sgnàura la dìs: "Ló l'é própi gentìl, vésst ch'al dà da magnèr al mi càn, nonostànt ch'al èva mùsghè!" e al sgnàuri: "Nà: mé a v'lèva sàul vàdder da che pèrt l'éra la tèsta, par dèri un chèlz int i marón!"