martedì 18 settembre 2007

AL CÀR DAL FÀGGN (n. 60)

In tàmp ed guèra ai é un umarén, col só cagnén in vàtta a un càr ed fàggn tirè da un cavàl, ch’al vén só piàn painén pr’una strè. Da un’ètra strè travérsa ai arìva ed gràn carìra una motoziclàtta d’un tedàsch, ch’al purtèva un ufizièl int al sìdecar.À l’incràus al gnóch al fó inevitàbil: la moto càntr’al càr, un gràn spulvràz e tótt quànt, òmen e bìsti, là par tèra. Als lìva só l’ufizièl, als dà un spulvrót à la divìsa, al guèrda al cavàl, al tìra fóra la rivultèla e al dìs:

"Ach, non potere fedére animali sofrire!" e al le màza. Pò al vàdd al cagnén tótt sàngv: "Non potere fedére animali sofrire" e a gli spàra.
A un zért mumànt ai sèlta fóra l’umarén sànza un bràz, un óc’ a sbindlón e una gàmba ràtta che al dìs: "Che busàn ch’a sàn stè: an um sàn fàt gnìnta!"

Nessun commento: