martedì 16 dicembre 2008

RIME IN PILLOLE (pagina 44)

Un gioco per i bambini (forse per far loro imparare i giorni della settimana):

Lonedé al déss a
Martedé ch’l’andéss da
Mérquel, parché al mandéss
Giovedé a sénter se
Vèner l’avèva sintó dìr da
Sàbet che
D’màndga l’éra fèsta.
(dal “Calendario di Bologna di una volta”, 2003)

***

Filastrocche popolari (di provincia e di città):

Vón, vón, vón tamarazèr,
l’à vindó i su cavalétt:
al n’à pió vóiia ed lavurèr
Vón, vón, vón tamarazèr.

***

Ucarén-na d’la chèvra bìsa,
tìra tó mèder par la camìsa;
fàla balèr, fàla saltèr,
quàst’é la cà dal muntanèr.

***

Burdigàn al và in muntàgna
par cumprèr una castàgna,
quànd la guèrda l’é un maràn,
vìva vìva Burdigàn.

Burdigàn l’andé a la vàl,
al casché zà da cavàl,
‘l s’insuié tótt al sacàn
vìva vìva Burdigàn.

Burdigàn al và a Firànza
a cumprèr una cardànza,
quànd la guèrda l’é un casàn,
vìva vìva Burdigàn.

Burdigàn al và a Palàz
con al lìber sàtta al bràz
par prodùs’r él sàu rasàn.vìva vìva Burdigàn
-
Paolo Canè

Nessun commento: