giovedì 27 settembre 2007

LA TRÓIIA (n. 67)

Un cuntadén al càrga la só tróiia in vàtta al camiunzén par purtèrla a fèr crùver dal vèr d'un só amìgh. Dàpp a dal tàmp al s'acórz che la tróiia l'an brìsa vanzè pràggna e la la càrga in vàtta al camiunzén e al taùrna dal só amìgh. Ànch stavólta, gnìnt da fèr e acsé l'à da turnèri un'ètra vólta. Al zàirca la tróiia par mezàura, mó an la tróva brìsa e al d'mànda a só muéir:
"Di' só, èt vésst la tróiia?"
"Sé: l'é mezàura ch'l'é in vàtta al camiunzén ch'a t'aspèta!"

Nessun commento: