UN FRANZÀIS L’ARIVÉ A MÓDNA... (n. 109)

…e al tulé un tàxi: "A l'Academie" al gé e al taxésta l'arspundé: "A la cà di tù? Ch'sa vùt ch'a sèva dùvv i stàn i tù ed cà?" Mó al carghé listàss pasegér e valìs. Dàpp un pó al fnistrén al taché a fèr curànt e al franzàis al gé: "Fermez, fermez!". L'autésta al farmé al tàxi cardànd d'èser bèle arivè, als carghé el valìs in spàla, quànd al franzàis (ch'al cardèva d'èser bèle arivè a l'Académia), al vàdd di ragazù nùd ch'i fàn al bàgn int un fiómm e al dìs: "Très jolie!" e al taxésta: "Tìria zà qué?" e al tiré el valìs int al fiómm!

Lé atàis ai éra un marchè e al franzàis al v'dé par la prémma vólta el nùs e al d'mandé: "Comment s'appellent?" - "Nà, ins pàilen brìsa: i se squézzen" - "Comment, comment?" - "Mocché col màn, col squézzanùs!" - "Merci, merci" - "Vólel scarzèr? Égli én tótti bóni, èter che mèrzi!" - "Je ne comprend pas…" - "S'an i v'lì brìsa cumprèri l'é un èter quèl, mó an gèdi brìsa ch'égli én mèrzi!"…