BASÉN E TEBÈSUM (n. 172)

(Quàssta l'é un'ètra ed ch'el sturièli popolèr, cómme "Chicàn à l'Aréna" e "Al franzàis a Módna", che is cànten da bàcca a bàcca, che inción scrìv e acsé is perdén da la memòria. A zarcarò d'arcurdèrmla, mó ai è chès ch'ai n'amànca di pìz).

Basén e Tebèsum i éren dù amìgh che spàss i aiutèven al prìt. Un dé al curèt a gli fé spazèr la cìsa: Basén al spazé la canònica e Tebèsum la capèla. Dàpp a li mandé tótt dù a fèr la spàisa: Basén al tùls la spórta e Tebèsum la bùrsa. Al dé dàpp i andénn int al bósch: Basén al cuiié i fónz e Tebèsum i marón. Int al bósch i truvénn un pasarén int al só nìd e i s'al purténn a cà: Basén al purté al nìd e Tebùsum l'usèl. I andénn int al cafà a zughèr al biglièrd: Basén al tulé fóra el stàcch e Tebèsum el bàl. À la sìra i andénn a magnèr una galén-na dal prìt: Basén al seglié la cósa e Tebèsum al cùl. La d'màndga i sunèven int la bànda: Basén al sunèva la tràmba e Tebesùm l'ucarén-na.