mercoledì 18 novembre 2009

AL GORÌLLA INAMURÈ (n. 312)

Maré e muiér i én al zoo, davàni a la gàbia d’un gorìlla màsti, l’é vérs sìra e an ié pió inción, alàura al maré al dìs con só muiér:
"Dài, fai dàdder una gàmba".
"E se quaichdón al vàdd?"
"Chi vùt ch’at vàdda? An ié inción!".

La muiér las tira só la stanèla e la fà vàdder la cósa al gorìlla che als tàca a arscaldèr. E al maré:
"Dài, fài vàdder una tàtta".
"Mó Carlo…"
"Dài ch’an ié inción!"

Las tìra fóra una tàtta e al gorìlla, ch’al parèva d’vintè màt, al ciàpa el sbàr d’la gàbia, ai slèrga e al sèlta fora! La muiér la tàca a córrer e al gorìlla drì, inaré cumpàgn a un sumàr!
"Carlo, Carlo, cus’òia da fèr?"
E al marè: "Próva a dìr ànca a ló che t’è mèl a la tèsta!".

Nessun commento: