lunedì 22 settembre 2008

RIME IN PILLOLE (pagina 23)

Ecco una serie di ninne nanne e filastrocche:

Dirlindén-na pàn gratè,
mitìm a lèt ch’a sàn malè,
dèm un óv e una galén-na,
ch’a faràn la dirlindén-na.

***

Nàna ninàna,
chi fìla e chi dipàna,
chi fà di gumisì
chi lavàura con i pì.

***

Fà la nàna, fàla dànca,
al tó bàb pórta la cànca,
al la pórta só una spàla,
ch’al vól fèr una muràia,
al la pórta só un galàn,
ch’al vól fèr un muraiàn.

***

Fà la nàna la mi bèla,
l’é trài àur che màma brèva,
se la brèva l’à rasàn,
lì la v’révv ch’a fóssi bàn,
lì la v’révv ch’a féssi nàna,
fàla, só, pinén d’la màma.

***

Fà la nàna, fà ‘l nanén,
fà la nàna al mì fangén,
fà la nàna, fàla tótta,
fàla infén che màma é stóffa.
Fà la nàna, fàla pùr
ch’andaràn a lèt al bùr
con la lómm sànza stupén
fà la nàna al mì pinén.

***

Fà la nàna e fàla tótta,
fàla infén ch’la màma é stóffa,
fà nanén e fà cucù,ch’andaràn pò a lèt tótt dù.
-
Paolo Canè

Nessun commento: